ڤاكسینێكی نوێ به‌ڕێوه‌یه‌

تەندروستی

پێش 3 هەفتە     ژمارەی بینراو 97

ڤاكسینێكی نوێ به‌ڕێوه‌یه‌


ڕاچڵه‌كین- چراخان ئاسۆ

كۆمپانیای "نۆڤاڤاكس" ی ئه‌مه‌ریكی تایبه‌ت به‌ به‌رهه‌مهێنانی ده‌رمان ئاماده‌باشی خۆی ڕاگه‌یاندوه‌ بۆ داواكردنی مۆڵه‌تی به‌كارهێنانی ڤاكسینه‌كه‌ی‌ له‌ ئه‌مه‌ریكا و به‌مه‌ش ئه‌مه‌ریكا ده‌بێته‌ خاوه‌نی 4 ڤاكسینی دژه‌ ڤایرۆسی كۆرۆنا.

به‌گوێره‌ی‌ ئه‌و هه‌واڵه‌ی‌ پێگه‌ی‌" بۆلتیكۆ" بڵاویكردۆته‌وه‌ تیایدا هاتووه‌ كه‌ ڤاكسینه‌كه‌ متمانه‌ پێكراوه‌ له‌گه‌ڵ ئه‌وه‌ی‌ كۆمپانیای" نۆڤاڤاكس" هێشتا كۆمپانیایه‌كی بچووكه‌ و خاوه‌نی به‌رهه‌می ده‌رمانی تایبه‌ت به‌خۆی نییه‌ له‌ بازاڕه‌كاندا.

ڤاكسینه‌كه‌ تاقیكراوه‌ته‌وه‌ و ڕێژه‌ی‌ سه‌ركه‌وتنه‌كه‌ی‌ %96 بووه‌ و له‌  "mRNA" ڤایرۆسی كۆرۆنا وه‌رگیراوه‌ و بڕیار وایه‌ له‌ ساڵی نوێدا ئه‌م كۆمپانیایه‌ بڕی 100 ملیۆن ژه‌م ڤاكسین بداته‌ ئه‌مه‌ریكا، ئه‌م به‌رهه‌مه‌ی‌ كۆمپانیاكه‌ له‌كاتێكدایه‌ داخوازی له‌سه‌ر ڤاكسینی دژه‌ ڤایرۆسی كۆرۆنا له‌سه‌رتاسه‌ری جیهان ڕووی له‌ زیادبوون كردوه‌.

داگرتنی ئەپی راچڵەکین بۆ ئەندۆرید

داگرتنی ئەپی راچڵەکین بۆ ئایفۆن