راچڵەكین –
لەناوچەیەكی باشووری عیراق، بە بۆمبی چێندراو هێرشكرایە سەر كاروانێكی ئۆتۆمبیلەكانی هێزی هاوپەیمانی نێودەوڵەتی، كە كەلوپەلی لۆجیستی باركردبوو.
سەرچاوەیەكی ئەمنیی عیراق ئاشكرایكرد، ئەمڕۆ 16-6-2021، بۆمبێك كە لەلایەن كەسانی نەناسراوەوە لەسەر رێگایەكی خێرا لەسنووری پارێزگای ئەنبار چێنرابوو، بە كاروانێكی گواستنەوەی كەلوپەلی لۆجیستی ھێزەكانی ھاوپەیمانیی نێودەوڵەتیدا تەقییەوە.
بەوتەی سەرچاوەكە، تەقینەوەكە هیچ زیانێكی گیانی و ماددی لێنەكەوتووەتەوە.
تا ئێستا ھاوپەیمانی نێودەوڵەتی دژبە داعش و سوپای عیراق ھیچ راگەیەندراوێكیان لەوبارەیەوە بڵاونەكردووەتەوە و ھیچ لایەنێكیش بەرپرسیاریەتی خۆی لە ئەنجامدانی ئەو تەقینەوەیە رانەگەیاندووە.
لە ماوەی چەند مانگی رابردووەوە تا ئێستا چەندینجار كاروانی گواستنەوەی كەلوپەلی لۆجستی و سەربازیی ھێزەكانی ھاوپەیمانیی نێودەوڵەتی دژبە داعش بە رابەرایەتی ئەمریكا لە چەند پارێزگایەكی عیراق لەلایەن كەسانی نەناسراوەوە كراونەتە ئامانج.