راچڵەكین-
سەرۆكوەزیرانی عیراق، ئاشكرایكرد، سێجار هەوڵی تیرۆركردنی دراوەو دەڵێت: "لەگەڵ ئەوەی سێجار ھەوڵی تیرۆركردنم دراوە، ھیچ نیگەران نییم و ناشترسم".
مستەفا كازمی، لەچاوپێكەوتنێكدا لەگەڵ كەناڵی (ئەلحەدەس) ئاماژەی بەوەكرد: "تا ئێستا، سێجار ھەوڵی تیرۆكردنم دراوە".
كازمی وردەكاری زیاتری لەوبارەیەوە نەخستووەتەڕوو و گوتی: "لەگەڵ ئەوەی سێجار ھەوڵی تیرۆركردنم دراوە، ھیچ نیگەران نیم و ناشترسم".
سەرۆك وەزیرانی عیراق جەختی لەوەكرد كە بەردەوامە لە جێبەجێكردنی ئەركەكەی بەپێی ئەو بەرنامەیەی كە بۆ بەڕێوەبردنی وڵات دایناوە.