هۆكاره‌كانی دانە جیرە لە منداڵاندا و چۆنیه‌تی چاره‌سه‌ر
ڕاچڵه‌كین-
دانە جیرە بریتیە لەکرداری لێکخشانی ددانەکان یان گیرکردنی دانەکان بەتوندی لەسەر یەک لە منداڵان وگەورەکاندا بەلام لە منداڵاندا ڕێژەیەکی زیاتری توشبوون هەیە بەجۆرێک دوو بۆ سێ منداڵ لە نێوان هەر 10منداڵێکدا توش دەبن، جا بەهۆی هەر یەکێ لەو هۆکارانە بن (سترێس و دڵەڕاوکێ ، فشاری دەروونی ، ماندویەتی، یان بەکارهێنانی دەرمان ، کێشە لە دەمارە خانەکان ،چالاکیەکی زۆر، هەناسەدان بەدەم،گەرەبوون و هەوکردنی لەوزەکان ، .......... )هەندێ جاریش هۆکارەکەی نازانرێت، دكتۆر ده‌رون پزیشکی پسپۆڕی دەم وددان له‌م بابه‌ته‌دا زانیاری زیاتر له‌سه‌ر ئه‌م گرفته ده‌خاته ڕوو.
هەندێكجار لەمنداڵاندا خۆی چارەسەر دەبێ لەگەڵ گەشەسەندنی منداڵەکە، هەندێجار لە شەواندا رودەدات یانیش لە ڕۆژدا هەندێكجاریش وەک وڵامێک بۆکەمکردنەوەی دڵەڕاوکێ و فشار.
دایکان دەتوانن لە ڕێگەی ئەم نیشانانەوە هەستی پێبکەن و زوو چارەسەری بکەن .
1- منداڵەکەی شەوان لەکاتی خەودا دەنگە دەنگێک لە ددانەکانی دێت، هەندێ جار خەبەرکردنەوەی دەوروبەری.
2- زۆربەی کات کاتێک منداڵەکەی لەخەو هەڵدەستێ دەڵێت ئازارم هەیە لە شەوێلگە یانیش ماسولکەکانی روومەتی و سوربوونەوە، یان گوێی ئازاری هەیە.(بەهۆی چالاکی ماسولکەکان لەشەودا).
3- دڵەراوکێ و فشاری دەروونی لەمنداڵاندا دیاری بکرێت و چارەسەر بکرێت ، چونکە بەدڵنیاییەوە توشتی دانەجیرە دەبن لەو حاڵەتەدا .
4- ئازار و هەستیاری لە ددانەکانداو سوربوونەوەی پوک، هەستکردن بە داخورانی ددانەکانی .
ئەگەر دانە جیرە پشتگوێ بخرێت و چارەسەر نەکرێت ئەوا دەبێتە هۆی داخوران و شکانی ددانەکان و هەستیاربوونی دانەکان بە ساردی و گەرمی ، وە ئەگەر زۆر درێژە بکێشێت دەبێتە هۆی سەرئێشە و ئازارو کێشە لە شەوێلگەدا و کێشە لە کرداری جوین و کردنەوەی دەمدا، وە ئازار لە گوێکاندا.
ئەگەر منداڵەکەت لەسەر دەرمانێکی تایبەتە و حاڵەتێکی تایبەتی هەیە و هۆکاری دانە جیرەکەی ئەو دەرمانانەیە ، پێویستە سەردانی پزشکی پسپۆری ئەو دەرمانانە بکات و یان دەرمانەکان بگوڕێت یانیش چارەسەری تری بکات(پزیشکە پسپۆرەکەی).
باشترین چارەسەر:
باشترین چارەسەر ئەوەیە سەرەتا هۆکاری دانە جیرەکە دیاری بکرێت ئینجا چارەسەری ئەو هۆکارە بکرێت .
بۆ نمونە ئەگەر هۆکارەکەی دڵەراوکێ بوو پیویستە بارودۆخی منداڵەکە بگۆردرێت و ئارام بکرێتەوە و ئاسودە بێت .
ئەگەر هۆکارەکەی دەرمانی تایبەت بوو ، ☝ وەک لەسەرەوە باسمانکرد، یان هەر یەکێ لەو هۆکارانە کە باسکراون پێویستە چارەسەر بکرێن .
دوای زانینی ئەوەی کە منداڵەکەت توشی دانە جیرە بوە پێویستە بەزووترین کات سەردانی پزیشکی ددان بکەیت ، بۆ پاراستنی ددانەکانی (تەنانەت ئەگەر ددانی شیریش بن)لە حاڵەتی بوونی مەترسی لەسەر ددانەکانی.