راچڵەكین –
بزووتنەوەی تاڵیبان دوای كۆنتڕۆڵكردنی تەواوی خاكی ئەفغانستان، حكومەتی كاتی لەو وڵاتە بەناوی حكومەتی ئەمارەتی ئیسلامی راگەیاند، كە مەلا محەمەد حەسەن وەك سەرۆكی كابینەكە دەستنیشان كرا.
ئەمڕۆ 7-9-2021، بزووتنەوەی تاڵیبان ناوی ئەندامانی كابینەی حكومەتی كاتیی لە ئەفغانستان راگەیاند، كە پێكهاتوون لە 12 كەس.
كابینەی كاتیی حكومەتی ئیسلامی لە ئەفغانستان لەلایەن مەلا محەمەد حەسەن ئاخوندن سەرۆكایەتی دەكرێت و هەریەك لە مەلا عەبدولغەنی برادەرو عەبدولسەلام حەنەفی، وەك جێگرانی سەرۆكی حكومەت دەستنیشانكراون.
وەزیرەكانی كابینەكەش بەم شێوەیەی خوارەوەیە:
ئەمیرخان موتەقی: وەزیری دەرەوە
ئەسەدەدین حەقانی: وەزیری ناوخۆ
محەمەد یەعقوب موجاهید: وەزیری بەرگری
خەلیل حەقانی: وەزیری پەنابەران
هیدایەتوڵا بەدری: وەزیری دارایی
محەمەد حەنیف: وەزیری ئابووری
مەلا خەیروڵا خێرخواە: وەزیری رۆشنبیری و راگەیاندن
مەلا عەبدولحەكیم شەرعی: وەزیری داد
نوروڵا نوری: وەزیری هۆزەكان و سنوور
تاڵیبان، چەندین بەرپرسی دیكەی لە پۆستی بریكاری وەزارەتەكان دەستنیشانكردووە.
راگەیاندنی حكومەتی كاتی لە ئەفغانستان، لەكاتێكدایە بڕیاربوو بزووتنەوەی تاڵیبان بە رێككەوتن لەگەڵ لایەنەكانی دیكەی ئەو وڵاتە، حكومەتێكی نوێ پێكبهێنێت.