راچڵەكین –

فەیسبوك بڕیاریدا ناوی كۆمپانیاكەی بۆ "مێتا" بگۆڕێت، خاوەنی كۆمپانیاكەش دەڵێت: ناوی ئەپلیكەیشنی فەیسبووك وەكو خۆی دەمێنێتەوە.

ئەمڕۆ 28-10-2021، كۆمپانیای فەیسبوك بە فەرمی بڕیاریدا ناوی كۆمپانیاكەی بگۆڕێت بۆ مێتا، ناوە نوێیەكەش لە ئەمڕۆوە دەبێتە جێگرەوەی ناوی فەیسبوك.

لەیەكەم لێدواندا لەبارەی گۆڕینی ناوی فەیسبوك، مارك زۆگەربێرك خاوەنی كۆمپانیاكە رایگەیاند: تەنها ناوی كۆمپانیاكە گۆڕاوە، بەڵام ناوی ئەپلیكەیشنی فەیسبووك وەكو خۆی دەمێنێتەوە.

كۆمپانیای فەیسبوك كە لەساڵی 2004 دامەزراوە، بە گەورەترین و بەربڵاوترین تۆڕی پەیوەندی كۆمەڵایەتی لە جیهان دادەنرێت، كە بەگوێرەی نوێترین ئامار، زیاتر لە دوو ملیارو 800 ملیۆن بەكارهێنەری لەسەرانسەری جیهاندا هەیە.