راچڵەکین-
وەزارەتی تەندروستیی و ژینگەی عیراق رایگەیاند، ١٨ کەسی دیکە بە کۆرۆنا گیانیان لەدەستداوەو ٨٠٦ کەس تووشی ڤایرۆسەکە بوون.
وەزارەتی تەندروستیی و ژینگەی عیراق ئاماری ٢٤ کاتژمێری رابردووی سەبارەت بە ڤایرۆسی کۆرۆنای نوێ (COVID-19) و ئەو کەسانەی کە ڤاکسینیان وەرگرتووە بڵاوکردەوە و بە گوێرەی ئامارەکە لە ٢٤ کاتژمێری رابردوودا، ھەزار و ١٨١ کەس لە پەتای کۆرۆنا چاکبوونەتەوە، ٨٠٦ کەس تووشی ڤایرۆسەکە بوون و ١٨ کەس گیانیان لەدەستداوە.
لە ئامارەکەدا هاتووە، کۆی گشتیی تووشبووان بە ڤایرۆسی کۆرۆنای نوێ لە عیراق، گەیشتووەتە دوو ملیۆن و ٧١ ھەزار و ٦٨٩ کەس و لەو ژمارەیەش ٢٣ ھەزار و ٥٨٠ کەس گیانیان لەدەستداوە و دوو ملیۆن و ٢٨٧ ھەزار و ٤١ کەسیش چاکبوونەتەوە.