خانمه‌ هونه‌رمه‌ندێك توشبوونی به‌ ڤایرۆسی كۆرۆنا ڕاگه‌یاند

کەلتوور

26/03/2020     ژمارەی بینراو 1009

ڕۆلا مه‌حمود

ڕاچڵه‌كین-

خانمه‌ هونه‌رمه‌ندی میسری "ڕۆلا مه‌حمود" له‌ڕێی تویتێك كه‌ له‌ هه‌ژماره‌ تایبه‌ته‌كه‌ی‌ له‌ تۆڕی كۆمه‌ڵایه‌تی تویته‌ر بڵاویكردۆته‌وه‌ ئاشكرای كردوه‌ توشی ڤایرۆسی كۆرۆنا بووه‌ و له‌ ئێستادا له‌ له‌نده‌نی پایته‌ختی به‌ریتانیایه‌.

رولا  له‌ تویته‌كه‌یدا نوسیویه‌تی" ئێواره‌تان ته‌ندروست و باش بێت به‌داخه‌وه‌ دۆخی من له‌ خراپه‌وه‌ بۆ خراپتر ده‌چێت"

ئه‌م خانمه‌ له‌ پۆسته‌كه‌یدا نوسیویه‌تی" من توشی ڤایرۆسی كۆرۆنا بووم له‌گه‌ڵ ئه‌وه‌ی‌ ته‌واوی ڕێكاره‌ گونجاوه‌كانم گرته‌ به‌ر و به‌داخه‌وه‌ له‌ ئێستادا دۆخی ته‌ندروستی لێره‌ باش نییه‌  و نازانم ئێستادا توانای ئه‌وه‌یان هه‌یه‌ هاوكارم بن بۆ چاكبوونه‌وه‌ یان نا و به‌ دڵنیاییه‌وه‌ نزاكانی ئێوه‌ یارمه‌یتم ده‌ده‌ن بۆ ئه‌وه‌ی‌ چاك ببمه‌وه‌."

به‌گوێره‌ی‌ ئه‌و هه‌واڵه‌ی‌ ڕۆژنامه‌ی‌ "الوطن " ی میسری بڵاویكردۆته‌وه‌ تیایدا هاتووه‌ خانمه‌ هونه‌رمه‌ندی میسیری  " ڕۆلا" له‌ درامای"  أوان الورد" له‌گه‌ڵ یوسرا له‌ ساڵی 2000 بۆ یه‌كه‌م جار ڕۆڵی بینیوه‌ و ساڵی 2001 له‌ فیلمی" مواطن ومخبر وحرامی   " به‌شداری كردوه‌ و له‌ چه‌ندین فیلم له‌گه‌ڵ چه‌ندین هونه‌رمه‌ند به‌شداری كردوه‌.

 

 

 

داگرتنی ئەپی راچڵەکین بۆ ئەندرۆید

داگرتنی ئەپی راچڵەکین بۆ ئایفۆن