راچڵەكین -
وەزارەتی پیشەسازی رایدەگەیەنێت، لەماوەی چەند ساڵی داهاتوودا پێنج هەزار كارگە لە هەرێمی كوردستان بەگەڕدەخرێن كە سەدان هەزار هەلی كار دەڕەخسێنن و بەهۆیەوە بازاڕی ناوخۆ دەبووژێتەوە.
وەزارەتەكە بڵاویكردووەتەوە، ئەو كارگانەی بڕیاری بەگەڕخستنیان دراوە، كارگەی مامناوەند و گەورەن و كاركردن لە دروستكردنیاندا بەردەوامە، لە ماوەی پێنج ساڵدا تەواودەكرێن و ئامادەی كاركردن و بەرهەمهێنان دەبن.
عەزیز نازم، بەڕێوەبەری گشتیی گەشەپێدانی پیشەسازی لە وەزارەتی پیشەسازی رایگەیاندووە، شمەك و كاڵای جۆراوجۆر لەو كارگانەدا دروستدەكرێن و بازاڕی ناوخۆ دەبووژێننەوە، بەوەش هاوردەكردنی زۆر كەرەستەمان پێویست نابێت.
ئاماژەی بەوەشكردووە، لە سەرەتادا كارگەكان سەدان هەزار هەلی كار دەستەبەردەكەن و هاوكاردەبن لە كەمكردنەوەی رێژەی بێكاری، هۆكاریش دەبن بۆ مانەوەی پارە لە ناوخۆی وڵاتدا.