موسەوی: گوشتی سپی بە نرخی هەرزان دەخەینە بازاڕەوە

ئابوری

6 رۆژ پێش ئێستا     ژمارەی بینراو 186

راچڵەکین –

لە پێناو رێگرتن لە هەڵکشانی نرخ، وەزارەتی بازرگانی عیراق گوشتی سپی و شیر بە نرخی پاڵپشتیکراو دەخاتە بازاڕەوە.

ئەمڕۆ سێشەممە، لەما موسەوەی بەڕێوەبەری کۆمپانیای بەرهەمهێنانی خۆراك سەر بە وەزارەتی بازرگانی عیراق رایگەیاند، شانەی قەیران و تیمی لەناکاویان بۆ چاودێریکردنی نرخی مادە خۆراکییەکان پێکهێناوە.

روونیشیکردەوە کە لە ماوەی دوو رۆژی رابردوودا تەبەقی هێلکەیان بە نرخی چوار هەزار و 750 دینار خستووەتە بازاڕەوە، لە کاتێکدا هەندێك لە بازرگانەکان دەیانویست نرخەکەی بۆ حەوت هەزار دینار بەرزبکەنەوە.

ئەوەشیخستەڕوو کە هەوڵ دەدەن هەفتەی داهاتوو مریشک و ماسی و شیریش بە نرخی پاڵپشتیکراو بخەنە بازاڕەوە و فرۆشتنی ئاردیش بە نرخی هەرزان بەردەوام دەبێت.

داگرتنی ئەپی راچڵەکین بۆ ئەندۆرید

داگرتنی ئەپی راچڵەکین بۆ ئایفۆن