راچڵەكین-
جەستن ترودۆ، سەرۆك وەزیرانی كەنەدا و سۆفیا گریگۆیری ترودۆ، لە دوای 18 ساڵ، جیابوونەوەی خۆیان لە پۆستێكی تۆڕی كۆمەڵایەتی ئینستاگرامدا راگەیاند.
هەریەك لە جەستن و سۆفیا رایانگەیاند، بڕیاری جیابوونەوەكەیان لە دوای چەندین گفتوگۆی پڕ مانا و سەخت لە نێوانیاندا بووە، بەڵام وێڕای جیابوونەوەشیان وەك خێزانێكی نزیك و پڕ لە خۆشەویستی دەمێننەوە، لە پێناو هەموو ئەوەی بونیادیان ناوە رێز لەیەكتری دەگرن.
بەپێی راگەیەندراوێكیش كە لەلایەن نوسینگەی سەرۆك وەزیرانی كەنەداوە بڵاوكرایەوە، هەردوولا، پەڕاوی یاسایی تایبەت بە جیابوونەوەیان واژوو كردووە.
جەستن ترودۆ و هاوسەرەكەی خاوەنی سێ منداڵن بە ناوەكانی خاڤیێر تەمەن 15 ساڵ، ئێلا گرەیس تەمەن 14 ساڵ و هادرین تەمەن نۆ ساڵ.