راچڵەكین-
ئەندامێكی پەرلەمانی عیراق، داوا دەكات بەرگری لە دادگای فیدراڵی بكرێت و پێیوایە رووبەڕووی هێرشێكی گەورەی بەرنامەبۆداڕێژراو دەبێتەوە.
بەپێی راگەیەندراوێك كە لەلایەن عەللا دولفی، ئەندامی پەرلەمانی عیراق بڵاوكرایەوە"دادگای فیدراڵ و بە دیاریكراوی دادوەر جاسم عمێری سەرۆكی دادگاكە لە ناوخۆ و دەرەوە رووبەڕووی هێرشێكی گەورەی بەرنامەبۆداڕێژراو دەبێتەوە".
دولفی لە راگەیەنندراوەكەدا دەڵێت"ئامانج لەو هێرشە ناوزڕاندنی دامەزراوەكەیە، بۆیە پێویستە لەبەرامبەر لێدوان و پۆست و بڵاوكراوەكاندا بەرەنگاریی ئەو هێرشانە ببینەوە و بە هەموو شێوەیەك بەرگری لێبكەین".
بە وتەی ئەو پەرلەمانتارە"دادگای فیدراڵ هۆكاریی سەقامگیریی سیاسی و پاراستنی دەستكەوتەكان و چەسپاندنی سیستم و رێزگرتنە لە سەروەریی یاسا".