راچڵەكین
بەبۆنەی كۆچی دوایی مام رەحمان سەرانەیی پێشمەرگەی مەفرەزە سەرەتاییەكان، كۆسرەت رەسول عەلی سەرۆكی ئەنجومەنی باڵای سیاسی و بەرژەوەندی یەكێتیی نیشتمانیی كوردستان، پرسەنامەیەكی ئاراستەی خانەوادەكەی كرد.
دەقی پرسەنامەكە:
بەڕێزان: خانەوادەو كەسوكاری مام ڕەحمان سەرانەیی
بەداخەوە هەواڵی كۆچی دوایی مام عەبدولڕەحمان حاجی ئیبراهیم، ناسراو بە مام ڕەحمان سەرانەیی، پێشمەرگەی مەفرەزە سەرەتاییەكان و خاوەنی چەند شەهیدم بیست، لەناخەوە دڵگران و خەمباری كردم، هاوبەشی خەمتانم، پرسەو سەرەخۆشی ئاراستەی خۆتان و خانەوادەكەتان دەكەم، هیوادارم ئەمە دواكۆست و ناخۆشیتان بێ، خوای گەورە سەبووری هەموو لایەك بدات و كۆچكردوو بە بەهەشتی بەرینی خۆی شاد بكات.
كۆسرەت ڕەسول عەلی
سەرۆكی ئەنجومەنی باڵای سیاسی و بەرژەوەندی
یەكێتیی نیشتمانیی كوردستان