راچڵەکین-

 

سەرۆکوەزیرانی عیراق رەتیدەکاتەوە لەکاتی هێرشەکەی ئێران بۆ سەر ئیسرائیل، لە عیراقەوە مووشەک هەڵدرابێت.

 

پاش هێرشی ئێران بۆ سەر ئیسرائیل، دانیال هەگاری وتەبێژی سوپای ئیسرائیل رایگەیاند:" بەشێک لە مووشەکەکان لە عیراقەوە ئاراستەکراون."

محەمەد شیاع سودانی سەرۆکوەزیرانی عێراق لە چاوپێکەوتنێکدا لەگەڵ کەناڵی "سی ئێن ئێن"ی ئەمریکی رایگەیاند، لە ھێرشەکەی ئێران بۆ سەر ئیسرائیل، ھیچ مووشەک و درۆنێک لە عیراقەوە ئاراستەی ئیسرائیل نەکراوە.

دەشڵێت:" ئێمە رێگە بە ھیچ لایەنێک نادەین خاکی عێراق بەکاربھێنێت بۆ ھێرشکردنەسەر وڵاتانی دراوسێ و ھێزەکانی ئەمریکا."

سودانی لە گفتوگۆکەیدا باسی لەوەش کردووە، پێشتر لە بارەی دۆخی رۆژھەڵاتی ناوەڕاستەوە هۆشداری داوە و، ئێستا دۆخەکە ھەستیار بووە. دەڵێت :"بۆ ھێوربونەوەی دۆخی رۆژھەڵاتی ناوەڕاست پێویستە شەڕی غەززە بوەستێت."