راچڵەكین -
لەشاری دهۆك ئاگر لە ناوچەیەكی پیشەسازی كەوتەوەو بەپێی ئامارە سەرەتاییەكانیش، سێ كەس بریندار بوون و تیمەكانی بەرگریی شارستانیش هەوڵی كۆنترۆڵكردنی ئاگرەكە دەدەن.
رووداوەكە ئەمشەو لە ناوچەی پیشەسازیی كواشێ لە شاری دهۆك روویداوە، تانكەرێك لەناو كارگەیەكدا ئاگری گرت و لەئێستاشدا ژمارەیەك تیمی ئاگركوژێنەوە، هەوڵی كۆنترۆڵكردنی ئاگرەكە دەدەن.
بێوار عەبدولعەزیز، وتەبێژی بەرگریی شارستانیی دهۆك، بە رووداوی راگەیاندووە، سێ كەس بەهۆی ئاگرەكەوە بریندار بوون.