راچڵەكین -
وەزارەتی كشتوكاڵ و سەرچاوەكانی ئاو، لە سنوری پارێزگای هەڵەبجە هەلی دامەزراندن بە شێوەی گرێبەست بۆ چوار بەڕێوەبەرایەتی رادەگەیەنێت و مەرجە ئەو كەسەی فۆڕم پڕدەكاتەوە، دامەزراو نەبێت و مووچەی خانەنشینی و هیچ مووچەیەكی تری نەبێت.
وەزارەتەكە لە راگەیەندراوێكدا ژمارەیەك هەلی كاری بۆ بەڕێوەبەرایەتییەكانی كشتوكاڵ، سەرچاوەكانی ئاو، ڤێتەرنەری و دارستان و پاوان لە پارێزگای هەڵەبجە راگەیاندو داواشی لەو كەسانە كردووە كە مەرجەكانیان تێدایە، بەشێوەیەكی راست و دروست فۆڕم پڕبكەنەوەو لەئەگەری بەتۆماركردنی زانیارییەكان بە هەڵە یان بە كەموكورتی، هەلی دامەزراندنی لە دەستدەچێت و فۆڕمەكەت پوچەڵدەكرێتەوە.
تێبینی:
١. ئەم فۆڕمە تەنها بۆ ئەو كەسانەیە كە پسپۆڕی و ئاستی بڕوانامەكانیان لە خوارەوە ئاماژەی پێكراوە.
٢. مەرجە ئەو كەسەی فۆڕمەكە پڕدەكاتەوە دانیشتووی سنووری پارێزگای هەڵەبجە بێت.
٣. سەرجەم زانیاریەكانت بە زمانی كوردی تۆمار بكە.
٤. پاش ووردبینیكردن بۆ فۆڕمەكان، دەركەوت بە هەڵە هەر بڕگەیەكی فۆڕمەكە پڕكرابێتەوە، ئەو فۆڕمە پوچەڵ دەكرێتەوە.
٥. تەنها یەك جار هەوڵی پڕكردنەوەی فۆڕمەكە بدە، لە ئەگەری دووبارە پڕكردنەوەی فۆڕمەكەدا، فۆڕمەكەت پوچەڵ دەكرێتەوە.
٦. مەرجە ئەو كەسەی فۆڕمەكە پڕدەكاتەوە بە رەگەز عێراقی بێت.
٧. پێویستە ئەو كەسەی فۆڕمەكە پڕدەكاتەوە بە چ بڕوانامەیەك پێشكەشی بكات دەبێت ساڵی دەرچوونی ئەو بڕوانامەیە بنوسێت.
٨. بۆ هەر خێزانێك یەك كەس دەتوانێت سوودمەند بێت لە دامەزراندن.
٩. خوازیار دامەزراو نەبێت و مووچەی خانەنشینی و هیچ مووچەیەكی تری نەبێت.
١٠. خوازیار خوێندكار نەبێت لە هیچ ئاستێك.
١١. پسپۆرییە داواكراوەكان بریتین لە:
- ئەندازیاری كشتوكاڵی
- رابەری كشتوكاڵی/دبلۆم
- ئەندازیاری ئاودێری
- پزیشكی ڤێتێرنەری / بەكالۆریۆس
- یاریدەدەری پزیشكی ڤێتێرنەری/ دبلۆم
- جیۆلۆجی
- یاسا
- كارگێڕی/ بەكالۆریۆس
- كارگێڕی /دبلۆم
- ژمێریاری/بەكالۆریۆس
- روپێو
- شوفێر
١٢. پێوەرەكانی هەڵسەنگاندن بریتین لەمانەی خوارەوە:
- نمرەی دەرچوون
- ساڵی دەرچوون
- باری خێزانی (خێزاندار یان سەڵت) خیزاندار ٢ خاڵ
- كەس و كاری شەهید (پلە یەك) كەسوكاری شەهید ٥ خاڵ
- بڕوانامە دكتۆرا ٨ خاڵ، ماستەر٦خاڵ، بەكالۆریۆس ٤ خاڵ، دبلۆم ٢ خاڵ، ناوەندی و ئامادەیی ١ خاڵ
- ساڵی دەرچوون ١ خاڵ بۆ هەرساڵێك
كۆنمرە لە ٥٠ بۆ سەرەوە ١ خاڵ بۆ ١ نمرە
- جۆری بروانامەی بەدەستهاتوو (حكومی یان ئەهلی) حكومی ٤ خاڵ، ئەهلی ٢ خاڵ.
- ئەزموون بۆ ئەو خوازیارەی وەك شوفێر داواكاری پێشكەش دەكەن.
لینكی ناو تۆماركردن تا پێنج شەممە ٢٠٢٤/٥/٢ كاتژمێر ١٢ نیوەڕۆ كراوە دەبێت.
بۆ ناوتۆماركردن كلیكی ئەم بەستەرە بكە: