راچڵەكین-

ئەنجوومەنی نوێنەرانی عیراق بۆ دەنگدان بەژمارەیەك پرۆژەیاسا لەنێویاندا بەرەنگاربوونەوەی لەشفرۆشی كۆدەبێتەوە.

بەگوێرەی كارنامەی دانیشتنی ئەنجوومەنی نوێنەرانی عیراق بێـت، كاتژمێر 1:00ی پاشنیوەرۆی ئەمڕۆ شەممە، دانیشتنی ئەنجوومەنەكە دەستپێدەكات كەچوار بڕگە لەخۆدەگرێت.

 بڕیارە لەدانیشتنەكەدا دەنگ بەپرۆژە یاساكانی پێشنیازی یەكەمی یاسای بەرەنگاربوونەوەی لەشفرۆشی، هەمواری یەكەمی یاسای رێكخستنی بەكرێدانی زەویی كشتوكاڵی و بەناوكردن و مافی مامەڵەكردن لەلایەن دەرچووانی كشتوكاڵ و ڤێتێرنەری، هەڵگرتنی ڤیزای پاسپۆرتی دیپلۆماسی لەنێوان عێراق و كۆریای باشوور، بڕگەی چوارەمیش ئەنجامدانی خوێندنەوەی یەكەمە بۆ پڕۆژە یاسای گەڕانەوەی موڵك بۆ ئەو خاوەن موڵكانەی كە بەهۆی ژمارەیەك بڕیاری ئەنجوومەنی سەركردایەتیی بەعسەوە موڵكەكانیان لەدەستداوە.