کلیان مباپێ موڵکەکەی سێرجیۆ رامۆسی لە شاری مەدرید کڕیوە
بۆ ئەوەی لە داهاتوودا تیایدا بژی.
رۆژنامەکانی ئیسپانیا بڵاویانکردەوە، کلیان مباپێی
فەڕەنسی و هێرشبەری یانەی پاریس سان جێرمان، یەکێک لە 10 گرانبەهاترین موڵکەکانی
لە شاری مەدرید کڕیوە بۆ ئەوەی دوای پەیوەندیکردنی بە یانە ئیسپانییەکەوە تیایدا
بژی.
ئاماژەیان بەوەشکردووە، مباپێ لەگەڵ سێرجیۆ رامۆسی
ئیسپانی و یاریزانی پێشووی یانەی ریاڵ مەدرید رێککەوتووە بۆ کڕینی موڵکەکەی ئەو لە
شاری مەدرید بە بڕی 18 ملیۆن و 500 هەزار یۆرۆ.
یاریزانە فەڕەنسییەکە لە سەرەتای ئەمساڵەوە گرێبەستەکەی
لەگەڵ یانەی پاریس سان جێرمان کۆتایی هاتووە و تەواوی راپۆرتە میدیاییەکان کۆکن
لەسەر ئەوەی ناوبراو لەگەڵ یانەی ریاڵ مەدرید گەیشتووەتە رێککەوتن و وەرزی داهاتوو
لەو یانەیە یاری دەکات.