راچڵەكین - 

ماڵپەڕی شەفافییەت داهاتە نانەوتییەكانی یەك هەفتەی سنووری سلێمانی و هەڵەبجە و هەردوو ئیدارەی راپەڕین و گەرمیان بڵاوكردەوە بەگوێرەی ئامارەكەش، داهاتی هەفتەی رابردوو بەراورد بە هەفتەی پێشتر، زیاتر لە 11 ملیارو 824 ملیۆن دینار زیادبووە.

ئامارەكەی ماڵپەڕی شەفافییەت دەریخستووە، داهاتی نانەوتیی سنووری سلێمانی و هەڵەبجە و هەردوو ئیدارەی راپەڕین و گەرمیان لە 21-9-2024 تا 27-9-2024، بڕی 20 ملیارو 264 ملیۆن و 890 هەزارو 147 دینار بووە، لەكاتێكدا هەفتەی پێشووتر كۆی داهاتەكە 8 ملیارو 440 ملیۆن و 87 هەزارو 102 دینار بووە.

ماڵپەڕی شەفافییەت ئاشكرایكردووە، رێژەی 93%ی داهاتەكە بەشێوەی نەختینەو 3% بە شێوەی چەك بووە.