توركیا هۆكاری گیانلەدەستدانی ژمارەیەك سەربازی لە هەرێمی كوردستان ئاشكرا دەكات

کوردستان

12 کاتژمێر پێش ئێستا     ژمارەی بینراو 443

وێنە.. ئەرشیف

راچڵەكین -

وەزارەتی بەرگریی توركیا گیانلەدەستدانی پێنج سەربازی سوپای وڵاتەكەی لە ئەشكەوتێكی هەرێمی كوردستان راگەیاند و هۆكارەكەشی بۆ كاریگەریی بەركەوتنی جۆرە گازێكی كوشندە گەڕاندەوە.

وەزارەتەكە لە راگەیەندراوێكدا بڵاویكردەوە، تیمێكی سوپای توركیا لەكاتی هەڵمەتێكی گەڕان بەدوای تەرمی ئەفسەرێكی سوپا، كە سێ ساڵ لەمەوبەر لەسنووری ناوچەی ئۆپەراسیۆنی (چنگ - قفڵ) كوژرابوو، لە ئەشكەوتێكی ناوچەكە، 19 سەربازی تیمەكە بەر گازی میتان كەوتن و دوای گەیاندنیان بۆ نەخۆشخانە، پێنج لەو سەربازانە گیانیان لەدەستدا.

وەزارەتی بەرگریی توركیا ئاماژەی بەوە كردووە، ئەو ئەشكەوتەی كە رووداوەكەی تێدا روویداوە، پێشتر وەك نەخۆشخانە بەكارهێنراوە.

داگرتنی ئەپی راچڵەکین بۆ ئەندرۆید

داگرتنی ئەپی راچڵەکین بۆ ئایفۆن