ڕاچڵەکین سپۆرت -

 

ڕیال مەدرید لەم هاوینەدا دەرفەتێکی زێڕینی بۆ خۆی بەدەستهێنا بۆ گواستنەوەی ئانتێ بودیمیر، گۆڵکاری ئۆساسۆنا و یەکێک لە هێرشبەرە دیارەکانی لالیگا، بەتایبەتی لەماوەی گواستنەوەی سنوورداردا مەرجی ئازادکردنی لە 8 ملیۆن یۆرۆ زیاتر نەبوو.

بەگوێرەی ڕۆژنامەی ئاسی ئیسپانی، یانەی ڕیال مەدرید پێویستی بە هێرشبەرێکی جێگرەوە بوو بۆ شوێنی خۆسێلۆ، لەگەڵ نزیکبوونەوەی جامی جیهانی یانەکان، هێرشبەرە کرواتییەکە وەک هەڵبژاردەیەکی نایاب دەرکەوت،

بەڵام درەوشاوەیی گۆنزالۆ گارسیا و بەرزبوونەوەی بۆ ناوبانگ وایکرد ئیدارەی لۆس بلانکۆس دەستبەرداری گرێبەستەکە بێت، هەرچەندە چابی ئەلۆنسۆی ڕاهێنەر کراوە بوو بەرامبەر بەو گرێبەستە.

سەرەڕای پەیوەندییەکانی بودیمیر لەگەڵ یانەکانی دیکەی تورکیا و سعودیە و ئەمریکا، بەڵام پابەندە بە مانەوە لە یانەی ئۆساسۆنا، کە گرێبەستەکەی تا ساڵی 2027 بەردەوام دەبێت.

یاریزانە کرواتییەکە کە بەم دواییە یادی 34 ساڵەی لەدایکبوونی کردەوە، لە ماوەی شەش وەرزی یاریکردنی لە پامپلۆنا بووەتە ئایکۆنێک بۆ یانەکە و هاندەرانی، لە دوای هاتنیەوە هەموو وەرزێک لە پێشەنگی گۆڵکارانی یانەکەیدایە.

ئەو هێرشبەرە نازناوی "قوی زینیکا"ی لێنراوە، لە کەسایەتییە ئەفسانەییەکانی یانەکەی تێپەڕاند و ژمارەی پێوانەیی سابینۆ ئەندۆنێگی شکاند کە 58 گۆڵی تۆمارکرد و ژمارەی پێوانەیی ڤێرگارای شکاند کە لە یەک وەرزدا 21 گۆڵی تۆمارکرد، هەروەها پێش یان ئۆربانی هێرشبەری پۆڵەندی کەوت و بوو بە گۆڵکاری بیانی لە هەموو سەردەمەکانی ئۆساسۆنا.

پێش گەشتەکەی بودیمیر لەگەڵ یانەی سوور پۆشەکان، لە وەرزی 2019-20 لەگەڵ یانەی ڕیال مایۆرکا 13 گۆڵی تۆمارکردبوو.