راچڵەکین-

فەرماندەی گشتی هێزەکانی پۆلیسی ئێران بە سەردانێک لە بەغدای پایتەختی عێراقە.

عەبدولئەمیر شەمەری وەزیری ناوخۆی عێراق ئەمڕۆ شەممە، پێشوازی کرد لە ئەحمەد رادان فەرماندەی گشتی هێزەکانی پۆلیسی ئێران و چەند بەرپرسێکی تری ئەو وڵاتە.

میدیا ئێرانییەکان بڵاویانکردووەتەوە: هەردوو بەرپرسەکەی عێراق و ئێران کۆبوونەتەوە و ئامانج لە کۆبوونەوەکەش، پتەوکردنی پەیوەندییە دوو قۆڵییەکان و فراوانکردنی هەماهەنگییەکان بووە لە بوارەکانی ئاسایش و بەرەنگاربوونەوەی ماددە هۆشبەرەکان و تیرۆر و ئاڵوگۆڕی زانیاری.