راچڵەکین-
وەزیری دەرەوەی تورکیا بانگەشەی ئەوەدەکات، کە تەلئەبیب دەیەوێت پلانی "ئیسرائیلی گەورە" جێبەجێ بکات.

هاکان فیدان وەزیری دەرەوەی تورکیا رایگەیاند: تەلئەبیب هەوڵدەدات پلانی بەدیهێنانی "ئیسرائیلی گەورە" جێبەجێ بکات و هەرگیز دەست لە داگیرکردنی زەوییەکانی وڵاتانی تر هەڵناگرێت.

ئاماژەی بەوەشکرد: قبوڵکردنی ئەوەی کە لە کەرتی غەززە روودەدات و ئاشکراکردنی تاوانەکانی رژێمی ئیسرائیل دژ بە مرۆڤایەتی، هەنگاوی یەکەمی گەیشتنە بە جیهانێکی دادپەروەر.

روونیشیکردەوە: غەززە لە کارنامەی کۆمەڵەی گشتی نەتەوەیەکگرتووەکاندا دەبێت و دەشبێتە تاقیکردنەوەی کۆمەڵگەی نێودەوڵەتی بۆ جیاکردنەوەی راستی و درۆ.