راچڵەکین-

ئەمەریکا لە رێگەی چەند مووشەکێکەوە هێرشەکانی بۆ سەر پایتەختی ڤێنزوێلا دەستپێکرد.

سەرلەبەیانی ئەمڕۆ شەممە، دەنگی ژمارەیەک تەقینەوە لە کاراکسی پایتەختی ڤێنزوێلا بیسترا و بەگوێرەی ئەو گرتانەی لە تۆڕەکۆمەڵایەتییەکان بڵاوکراونەتەوە، لە چەند ناوچەیەکی جیاجیای شارەکە دوکەڵ و ئاگر بەرزدەبووەوە و ژمارەیەک فڕۆکەش بە ئاسمانی ئەو شارەدا دەسوڕانەوە.

دوای چەند خولەکێک لەو رووداوانە، نیکۆلاس مادۆرۆ سەرۆکی ڤێنزوێلا پەیامێکی بڵاوکردەوە و تیایدا ئاماژەی بەوەکرد: با هەموو جیهان بزانێت ئەمەریکا هێرشەکانی بۆ سەر وڵاتەکەمان دەستپێکردووە و ئەمڕۆ بە چەند مووشەکێک پایتەختەکەمانی بە ئامانج گرتووە.

هاوکات سکای نیوز لە زاری چەند سەرچاوەیەکەوە ئاشكرایکردووە: ئەمەریکا کارەکانی بۆ رووخاندنی رژێمی مادۆرۆ دەستپێکردووە و لە هێرشەکانی ئەمڕۆیدا بنکەیەکی ئاسمانی کردووەتە ئامانج.