راچڵەکین-

بەگوێرەی زانیارییەکان، دوای ئەوەی ئەمڕۆ دووشەممە رووداوێکی کوشتن لە سنووری پارێزگای سلێمانی روویدا، کەمێک پێش ئێستا هێزە ئەمنییەکان توانیویانە شوێنی تۆمەتبارەکە بدۆزنەوە و بە مەبەستی دەستگیرکردنی روویانکردووەتە ئەو شوێنە.

زانیارییەکان ئەوە ئاشکرا دەکەن، دوای ئەوەی هێزە ئەمنییەکان گەیشتوونەتە شوێنەکە، تۆمەتبارەکە ئامادە نەبووە خۆی رادەست بکات و رووبەڕووی هێزەکان بووەتەوە.

لە ئەنجامی رووبەڕوبوونەوەکە، کارمەندێکی هێزە ئەمنییەکان بریندار بوو و تۆمەتبارەکەش لەلایەن ئەو هێزەوە کوژرا کە بە مەبەستی دەستگیرکردنی چووبوون.