راچڵەكین -

دەزگای دژەتیرۆری عیراق دەستگیركردنی سێ تیرۆریست رادەگەیەنێت، كە یەكێك لە تیرۆریستییەكان بەهاوكاریی دەزگای ئاسایشی هەرێم، لە سلێمانی دەستگیركرا.

بەگوێرەی راگەیەندراوێكی دەزگای دژەتیرۆری عیراق كە ئەمڕۆ یەكشەممە 18-1-2026 بڵاوكراوەتەوە، هێزەكانیان لەچوارچێوەی ئۆپەراسیۆنەكانی تایبەت بە ریشەكێشكردنی پاشماوەكانی داعش، سێ تیرۆریستیان لەچەند ناوچەیەكی جیاجیادا دەستگیركرد.

لە راگەیەندراوەكەدا هاتووە، یەكێك لە تیرۆریستەكان، بەهاوكاری و هەماهەنگیی نێوان هێزەكانی دژەتیرۆری عیراق و دەزگای ئاسایشی هەرێم، لە سلێمانی دەستگیركرا.

هاوكات دوو تیرۆریستی دیكەش لە دوو ناوچەی جیای سنووری پارێزگای ئەنبار دەستگیركران، كە یەكێكیان پسپۆڕی دروستكردنی پشتێنی بۆمبڕێژكراو بووە.