راچڵەکین-

ئیدارەی سەربەخۆی گەرمیان بەهۆی دابەزینی پلەکانی گەرماوە بڕیاریدا سبەی لە سەرجەم ناوەندەکانی خوێندنی سنوورەکە بکاتە پشوو.

ئیدارەی گەرمیان بڵاویکردەوە: بەپێی پێشبینییەکانی بەڕێوەبەرایەتی گشتی کەشناسی و بومەلەرزەزانی هەرێم، سبەی لە سنووری ئیدارەکەمان بە گەشتی و ناحیەکانی مەیدان و شێخ تەویل بە تایبەتی، پلەکانی گەرما زۆر دادەبەزن.

ئاماژەی بەوەشکرد: لەپێناو سەلامەتی خوێندکاران و بە راوێژ لەگەڵ سەرپەرشتیاری ئیدارەی گەرمیان بڕیاردرا سبەی سێشەممە لە سەرجەم ناوەندەکانی خوێندنی گەرمیان بکرێتە پشوو.