راچڵەکین-

ئاراس جەبار شارەزای کەشناسی رایگەیاند: لە ئەنجامی گەیشتنی ناوەندی بارستە هەوای سارد لە چەند کاتژمێری داهاتوودا، شەپۆلێکی سەرما و شەختە سەرجەم ناوچەکانی هەرێمی کوردستان و عێراق دەگرێتەوە و نزمترین پلەکانی گەرمای بۆ ئەم مانگە تیادا تۆمار دەکرێت.

ئاماژەی بەوەشكرد: بەهۆی بەردەوامی شەپۆلی دەریای ناوەڕاستیش لەسەر بەشێکی ناوچەکانی باکوور و باشوور و رۆژهەڵاتی هەرێم لە کاتەکانی ئەمشەو بۆ بەرەبەیانی سبەی سێشەممە، پێشبینی بارینی بەفر دەکەین لە سەنتەری شاری سلێمانی، هەڵەبجە سۆران، رانیە، قەڵادزێ، کۆیە، شەقڵاوە، دوکان، چەمچەماڵ، بازیان و دەربەندیخان و بە گشتی ناوچەکانی باکووری گەرمیان و بە گشتی تا بەرزییەکانی 400 مەتر لەسەر ئاستی رووی دەریا.

روونیشیکردەوە: لە سنوورەکانی دهۆک و سەنتەری شاری هەولێر و کەرکوک کاریگەری شەپۆلی دابارین زووتر کۆتایی پێدێت و بەر لەنیوەی شەو لەو ناوچانەدا کەش ئاسایی دەبێتەوە و بڕینی بەفرلە ناوچە ئاماژێپکراوەکانیش لەنێوان دوو بۆ شەش سانتیم مەتر دەبێت و پاشان لە کاتەکانی بەیانی سێشەممە، کاریگەرییەکانی شەپۆلەکە لەسەر ئەو ناوچانەش لاواز دەبێت کۆتایی پێدێت.