راچڵەكین -

بەڕێوەبەرایەتی كەشناسی و بومەلەرزەزانی هەرێمی كوردستان پێشبینییەكانی بۆ كەشوهەوای 48 كاتژمێری داهاتووی ناوچە جیاجیاكانی هەرێم بڵاودەكاتەوە.

ئەمڕۆ چوارشەممە 28-1-2026، لە كاتەكانی نیوەڕۆ كاریگەری شەپۆلێكی بارانبارین روو لە ناوچەكەمان دەكات و پلەكانی گەرما (2 - 3) پلەی سیلیزی نزمدەبێتەوە، سەرەتا لە سنووری پارێزگای دهۆك دەستپێدەكات پاشان درێژدەبێتەوە بۆ سەرجەم ناوچە جیاجیاكان، لەگەڵ بارانبارین، بەفربارینیش ناوچە سنوورییەكان و لووتكەو قەدپاڵی چیا بەرزەكان دەگرێتەوە، لە دوای نیوەڕۆ كاریگەری ئەو شەپۆڵە زیاد دەكات، بارانبارین بە شێوەی بارانی مامناوەند و هەندێ ناوچەی سنووری ئیدارەی زاخۆ و پارێزگای دهۆك و سنووری پارێزگای سلێمانی و چەمچەماڵ و باكووری پارێزگای كەركووك و ئیدارەی گەرمیان ناوچە شاخاوییە بەرزەكانی سنووری پارێزگای هەولێر ڕێژەی بارانبارینی بە شێوەی لێزمە بارانی كورتخایەن و هەورە تریشقەشی دەبێت. 

بەرزترین پلەكانی گەرمای پێشبینیكراو بە پلەی سیلیزی:

هەولێر : 14 پلەی سیلیزی 
پیرمام : 10  پلەی سیلیزی
سۆران : 7 پلەی سیلیزی 
حاجی ئۆمەران :  3 پلەی سیلیزی   
سلێمانی :  12 پلەی سیلیزی
چەمچەماڵ :  13 پلەی سیلیزی
هەڵەبجە : 12 پلەی سیلیزی 
دهۆك : 11 پلەی سیلیزی
 زاخۆ : 12 پلەی سیلیزی 
ئاكرێ : 12  پلەی سیلیزی

سبەینێ پێنجشەممە‌ 29-1-2026، كاریگەری شەپۆلی بارانبارینەكە تا كاتەكانی بەیانی زوو بە نمەبارانی پچڕ پچڕ لەسەر ناوچەكەمان بەردەوام دەبێت، لە كاتەكانی نیوەڕۆ ئاسمان دەگۆڕێت بۆ نیمچە هەور، باران و بەفربارین لەسەر ناوچە سنووریەكان و لووتكەی شاخە بەرزەكان لە هەندێ كاتدا بەردەوامی دەبێت تا دوای نیوەڕۆ.

بەرزترین پلەكانی گەرمای پێشبینیكراو بە پلەی سیلیزی:

هەولێر : 11 پلەی سیلیزی
پیرمام : 8  پلەی سیلیزی
سۆران : 5 پلەی سیلیزی
حاجی ئۆمەران :  1 پلەی سیلیزی     
سلێمانی :  8 پلەی سیلیزی
چەمچەماڵ: 9 پلەی سیلیزی 
هەڵەبجە : 9 پلەی سیلیزی 
دهۆك : 10  پلەی سیلیزی
زاخۆ  : 11  پلەی سیلیزی
ئاكرێ : 11  پلەی سیلیزی