راچڵەکین-

رۆژنامەی لۆ فیگارۆی فەڕەنسی لە زاری چەند سەرچاوەیەکی ئێرانییەوە ئاشكرایکردووە: لە خۆپیشاندانەکانی ئەمدواییەی ئێران حەسەن رۆحانی سەرکردایەتی هەوڵێکی کودەتای کردووە بۆ لابردنی عەلی خامنەیی رابەری باڵای وڵاتەکە.

ئاماژەی بەوەشکردووە: رۆحانی پلانەکەی لەگەڵ چەند کەسایەتییەکی دیکە داڕشتووە کە بەشێکیان لەناو حکومەتی ئێراندا پلە و پۆستیان هەبووە، دیارترینیان محەمەد جەواد زەریفی وەزیری پێشووتری دەرەوەی ئێران، لەگەڵ ژمارەیەک لە پیاوانی ئاینی و چەند کەسایەتییەکی دیکەی نزیک لە سوپای پاسداران.

باسی لەوەشکردووە: یەکێک لە سەرەکیترین هۆکارەکانی شکستی هەوڵی کودەتاکە، عەلی لاریجانی بووە، ناوبراو کە مانگی ئابی ساڵی رابردووەوە وەک سکرتێری ئەنجومەنی باڵای ئاسایشی نیشتمانیی ئێران دەستبەکار بووە، رەتیکردووەتەوە بەشداریبکات لە پیلانی کودەتاکە و ئەمەش بە رێژەیەکی زۆر کاریگەری هەبووە لەسەر شکستی پلانەکە.