راچڵەكین-

ماڵپەری شەفافیەت بۆ چاودێری و رێكخستنی داهاتە نانەوتییەكانی سلێمانی، هەڵەبجە و هەردوو ئیدارەی راپەڕین و گەرمیان، داهاتی ئەم هەفتەیەی بڵاوكردەوە.

بەگوێرەی ئەو داتایانە بێت كە ماڵپەری شەفافیەت بڵاویكردوونەتەوە، داهاتی نانەوتی  سلێمانی، هەڵەبجە و هەردوو ئیدارەی راپەڕین و گەرمیان لە 18 تا 24ی نیسانی 2026 بڕی (9) ملیارو (958) ملیۆن و (290) هەزارو (188)دینار بووە، لە (85%)ـی داهاتەكە نەختینەیە و (13%)ی چەك بووەو (2%) مەقاسە بووە.

داهاتەكە بەراورد بە هەفتەی رابردوو بەرێژەی  2.938% زیادیكردووە كە دەكاتە بڕی 284 ملیۆن دینار، بەجۆرێك داهاتی نانەوتی لە 11 تا 17ی نیسانی 2026 بریتیی بوو لە (9) ملیارو (674) ملیۆن و (106) هەزارو (10) دینار.

ماڵپەڕی شەفافیەت لە 8 بەش پێكدێت و لەلایەن نووسینگەی قوباد تاڵەبانی جێگری سەرۆكی حكومەت سەرپەرشتی دەكرێت و دروشمەكەی "بە سیستمكردن و دیجیتاڵكردنی خزمەتگوزارییەكانی هاوڵاتییان لە دامودەزگاكانی حكومەت"ـە.