ڤلادیمێر پوتین سەرۆكی رووسیا

راچڵەكین -

سەرۆكی رووسیا، لەبارەی ئەگەری دەستپێكردنەوەی دانوستانەكانی ئاشتی لەگەڵ ئۆكراینا، رایدەگەیەنێت: هەر بڕیارێك لەبارەی دەستپێكردنەوەی دانوستانەكان بدرێت، دەبێ لەسەر بنەمای پاراستنی بەرژەوندییەكانی رووسیا بێت.

ئەمڕۆ هەینی 25-9-2026، ڤلادیمێر پوتین سەرۆكی رووسیا، نوێترین هەڵوێستی لەبارەی دەستپێكردنەوەی دانوستانەكان بەئامانجی گەیشتن بە رێككەوتنی ئاشتی لەگەڵ ئۆكراینا، ئاشكراكرد و رایگەیاند: بڕیارماندابوو لەدوای كۆتایی هاتنی هەڵبژاردنە پەرلەمانییەكەی رووسیا، دانوستانەكان لەگەڵ ئۆكراینا دەستپێبكەینەوە، بەڵام دەسەڵاتدارانی كیێڤ لەكاتی بەڕێوەچوونی هەڵبژاردنەكە، هێرشیان كردە سەر ناوەندەكانی دەنگدان و ماڵی سەرۆك لیژنەكانی هەڵبژاردنیان كردە ئامانج.

پوتین لەبارەی ئەگەری دەستپێكردنەوەی دانوستانەكان لەگەڵ ئۆكراینا، رایگەیاند: هەر بڕیارێك لەبارەی دەستپێكردنەوەی دانوستانەكانی ئاشتی لەگەڵ ئۆكراینا، دەبێ لەسەر بنەمای پاراستنی بەرژەوندییەكانی رووسیا بێت، هەموو پێشنیارەكانی پەیوەست بە كۆتایی هاتنی جەنگیش، لەسەر مێزە و هێشتا برشیاری كۆتایی لەبارەوە نەدراوە.

سەرۆكی رووسیا ئەو دەنگۆیانەشی رەتكردەوە كە لە ناوەندەكانی ئەوروپا بڵاودەكرێتەوە سەبارەت بە ئامادەكاریی مۆسكۆ بۆ هێرشكردنە سەر وڵاتانی ئەوروپا، وت:" هیچ ئامادەكارییەكمان نەكردووە بۆ هێرشكردنە سەر وڵاتانی ئەوروپا، بەڵام توندڕەوەكانی ناو ئەوروپا دەیانەوێت ئۆكراینا وەك سووتەمەنیی جەنگ بەكاربهێنێن بۆ رێگریكردن لە پێشكەوتنەكانی رووسیا".