راچڵەكین-
وەزارەتی دارایی و ئابووری هەرێم بڕیارێكی نوێی لەبارەی ئەو فەرمانبەرانە دەركرد كە میلاكیان لەسەر حكومەتی فیدراڵەوە گواستووەتەوە بۆ سەر حكومەتی هەرێم.
بە گوێرەی نوسراوێكی وەزارەتی دارایی و ئابووری حكومەتی هەرێم كە رێككەوتی ٨ی حوزەیرانی لەسەرە، بڕیاردرا ئەو فەرمانبەرانەی لە ناوەڕاستی خواروو و ناوەڕاستی عێراق لەسەر میلاكی حكومەتی فیدراڵ میلاكیان گواستووەوە بۆ سەر حكومەتی هەرێم، پێویستە هاوشێوەی هاوتاكانیان لە فەرمانبەرانی هەرێم مامەڵەیان لەگەڵدا بكرێت و هیچ جیاوازییەك لە مووچەكانیان نەمێنێت.