راچڵەكین-
سێرجیۆ رامۆس-ی كاپتنی یانەی ریال مەدریدی ئیسپانی تەواوی پەیوەندییەكانی لەگەڵ یانە شاهانەكە پچڕاند.
گرێبەستەكەی رامۆس لەگەڵ یانەی ریال مەدرید رۆژی چوارشەممە 30-6-2021 كۆتایی هات و یانەی شاهانە رایگەیاند، كاپتنەكەیان گرێبەستەكەی لەگەڵیاندا نوێ ناكاتەوە.
بەگوێرەی هەواڵێكی رۆژنامەی ( ماركا) لەژیاننامەی خۆیدا لە تویتەر ئەو بەشەی سڕیوەتەوە كە یاریزانی یانەی ریال مەدریدەو لۆگۆی یانەكەشی لابردووە.
بەگوێرەی رۆژنامەكە بێت، بەڵام هێشتا یانەی شاهانە لەهەژماری خۆی ناوی رامۆس-ی وەك یاریزانی یانەكەو هەڵگری درێسی ژمارە 4 و كاپتنی تیپی تۆپی نەسڕیوەتەوە. چاوەرێش دەكرێت، ئەمشەو یانەی ریال مەدرید هەمان كاری رامۆس بكات و ناوی لەلیستی یاریزانانی یانەكە بسڕێتەوە.