یه‌كه‌م توێژینه‌وه‌ كاریگه‌ری وه‌رگرتنی ژه‌می سێهه‌می ڤاكسینی فایزه‌ری ئاشكرا كرد

تەندروستی

22/10/2021     ژمارەی بینراو 378

یه‌كه‌م توێژینه‌وه‌ كاریگه‌ری وه‌رگرتنی ژه‌می سێهه‌می ڤاكسینی فایزه‌ری ئاشكرا كرد

ڕاچڵه‌كین-چراخان

ئه‌نجامه‌كانی توێژینه‌وه‌یه‌كی نوێ ئاشكرای كردوه‌ وه‌رگرتنی ژه‌می سێهه‌می ڤاكسینی فایزه‌ر- بایۆنتیك دژه‌ ڤایرۆسی كۆڤید-19 به‌رگری له‌ش به‌ڕێژه‌ی‌ %95.6 به‌رز ده‌كاته‌وه‌.

ئه‌م توێژینه‌وه‌یه‌ كه‌ تیایدا 10000 كه‌س به‌شدار بوون و ته‌مه‌نیان له‌ 16 ساڵ زیاتر بووه‌ بوبه‌ یه‌كه‌م توێژینه‌وه‌ له‌سه‌ر وه‌رگرتنی ژه‌می سێهه‌می ڤاكسینی كۆرۆنا بكرێت.

به‌شداربووه‌كان 11 مانگ دوای وه‌رگرتنی ژه‌می دووه‌م ژه‌می سێهه‌میان پێدراوه‌ و ده‌رئه‌نجامه‌كان سه‌لماندویانه‌ كه‌ ڕێژه‌ی‌ پاراستن له‌ توشبوون به‌ ڤایرۆسی كۆرۆنا له‌م كه‌سانه‌دا گه‌یشتۆته‌ %95.

سه‌رۆكی جێبه‌جێكاری كۆمپانیای فایزه‌ر" ئه‌لبێرت بۆرلا" باس له‌وه‌ ده‌كات كه‌ ئه‌نجامی تاقیكردنه‌وه‌كان به‌ڵگه‌ن بۆ سوودی وه‌رگرتنی ژه‌می سێهه‌می ڤاكسینی دژه‌ ڤایرۆسی كۆرۆنا بۆ پاراستنیان له‌م نه‌خۆشییه‌.

كۆمه‌ڵه‌ی‌ ده‌رمان و خۆراكی ئه‌مه‌ریكی پێدانی ڤاكسینی فایزه‌ر به‌ كه‌سانی سه‌روو ته‌مه‌ن 65 ساڵ په‌سه‌ند كردوه‌ به‌تایبه‌ت ئه‌وانه‌ی‌ كه‌ مه‌ترسی توشبونیان به‌ ڤایرۆسه‌كه‌ زۆره‌.

داگرتنی ئەپی راچڵەکین بۆ ئەندرۆید

داگرتنی ئەپی راچڵەکین بۆ ئایفۆن