راچڵەكین-

بانكی رەشید رایدەگەیەنێت، بڕیاری پێدانی پێشینە بەو كەسانەی ژنی دووەم دەهێنن بۆ هاندانی فرەژنی نەبووە.

 دوێنێ بانكی رەشید لە عیراق بڕیاریدا هەر كەسێك ژنی دووەم بهێنێت ئەوا 10 ملیۆن دیناری وەك پێشینە پێدەدرێت ئەگەر هاتوو داوای بكات:" پێشینەكە بەو فەرمانبەرانە دەدرێت كە پێشتر خۆیی و هاوسەری یەكەمی لە پێشینەی هاوسەرگیری سوودمەند نەبوون، هەروەها پێویستە فەرمانبەرەكە داواكاریی پێشكەش بكات و دەبێت فەرمانبەری هەمیشەیی بێت و خزمەتی لە دوو ساڵ كەمتر نەبێت و كەفیلێكی هەبێت".

ئەم بڕیارە هەرزوو كاردانەوەی جیاوازی بەدوای خۆیدا هێناو رووبەڕووی رەخنەی كردەوە، هەر بۆیە بانكی رەشید لە روونكردنەوەیەكدا ئاماژەی بەوەكردووە:" پێدانی پێشینەكە بەمەبەستی هاندانی پیاوان نییە بۆ ئەوەی ژنی دوەم بهێنن، بەڵكو بۆ ئەو كەسانەیە، كە بەهۆی بارودۆخی جیاوازەوە لەهاوسەرەكانیان جیابونەتەوە، یاخود لەژیاندا نەماون."

بانكەكە دەڵێت، "ئێمە مافی یاسایمان نییە هانی خەڵك بدەین بۆ ئەوەی ژنی دوەم بهێنن، تەنها دەڕوانینە لایەنی مرۆیی و كۆمەڵایەتی، پێشینەكە بۆ پیاوان و ژنانە".

دوای بڕیارەكەی بانكی رەشید، مەلا مەزهەر خۆراسانی لە بانگەوازێكدا ئاماژەی بەوەكرد:" بەپەلە داوادەكەم ئافرەتانی قەیرەو بێوەژن و ئەوپیاوانەی دەیانەوێت پرۆسەی زەواج دووبارەبكەنەوە بەرگری و پارێزگاری لە بانكی ڕەشید وكارمەندانی بانكی ڕەشی بكەن چونكم گیانیان وژیانیان لە مەترسی دایە زۆرنزیكە دەعباو ودەینەسورپەلاماریان بدەن."