راچڵەکین-
دوای سێ رۆژ لە گیانلەدەستدانی دوێنێ دووشەممە تەرمی گەنجێکی کوردی رانیە لە هۆتێل شیڕاتۆن له ستۆکهۆڵمی پایتەختی سوید دۆزرایەوە و کەسوکارەکەشی دەڵێن:" جارێ نازانین کوژراوە یاخود خۆی گیانی لەدەستداوە".
ئومێد عومەر، برای گەنجە کوژراوەکە لە لێدوانێکدا بۆ راچڵەکین وتی:" لە شەوی هەینی لەسەر شەممەی رابردووەوە براکەم دەنگی نەبوو، بەڵام ئێمە شەوی یەکشەممە بە رووداوەکەمان زانی و تا ئێستاش تەرمەکەمان نەبینیوە تا بزانین کوژراوە یاخود خۆی گیانی لەدەستداوە، ئێستا تەرمەکەی لای پۆلیسە".
ئەو گەنجەی ناوی بڵێسە عومەرە، تەمەنی نزیکە ٣٥ ساڵ دەبێت.
وتیشی:" براکەم خۆی لە کوردستان نیشتەجی بوو، بەڵام ماوە ماوە بە سەردان دەهاتە وڵاتی سوید، لە کۆبانێ لەگەڵ هێزەکانی یەكینەكانی پاراستنی گەل (یەپەگە) کاریکردووە".