دەرهێنانی کارتی نیشتمانی لە سلێمانی راگیرا

کوردستان

04/01/2021     ژمارەی بینراو 1987

راچڵەکین-  

بەڕێوەبەرایەتى ڕەگەزنامە و کارتى نیشتیمانى سلێمانى ڕایگەیاند، لەسەر بڕیاری بەڕێوەبەرایەتی گشتیی ڕەگەزنامەی عێراق مامەڵەى دەرهێنانى یەکەمجارى کارتى نیشتیمانى راگیراوە. 

بەڕێوەبەرایەتى ڕەگەزنامە و کارتى نیشتیمانى سلێمانى لە راگەیەندراوێکدا بڵاویکردووەتەوە، ئەو ھاووڵاتییەی پێناسەی باری شارستانی و ڕەگەزنامەی فصفۆری هەبێ لە فەرمانگەکانی حکومەتی هەرێم ئیش و کاری بۆ دەکرێ پێویست ناکات بچێت مامەڵەی کارتی نیشتیمانی بکات، چونکە بە بڕیاری بەغدا وەستاوە.

بە گوێرەی راگەیەندراوەکە، لەسەر بڕیاری بەڕێوەبەرایەتی گشتی ڕەگەزنامەی عێراق لە ئێستادا تەنھا ئەم مامەڵانەی لای خوارەوە دەکرێت 
١- مامەڵەی ھاوسەرگیری 
٢- مامەڵەی جیابوونەوە 
٣- مامەڵەی منداڵی تازە لە دایک بو/ 
دەبێت منداڵەکە تەمەنی ( ٣مانگی ) تەواو کردبێت
٤- مامەڵەی وەفاة ( مردن )
٥- مامەڵەی تێکچوونی پێناسی باری شارستانی و کارتی نیشتیمانی
٦- مامەڵەی ونبوونی پێناسی باری شارستانی و کارتی نیشتیمانی
٧- ( صورة قيدي ورقی ) واتا تۆماری ٥٧ 
٨- ( صورة قيدي ألکترونی) بۆ ئەو کەسانەی کە خاوەنی کارتی نیشتیمانین.

داگرتنی ئەپی راچڵەکین بۆ ئەندرۆید

داگرتنی ئەپی راچڵەکین بۆ ئایفۆن