چاندنی بەرهەمی پەتاتە لەکوردستان

کشتوکاڵ

07/02/2021     ژمارەی بینراو 94

پەتاتە


بەرواری چاندن :
لە زۆربەی وڵاتانی ئەوروپا یەک بەرواری چاندن هەیە بۆپەتاتە کەئەویش بەهارەیە بەڵام لە هەندێک وڵاتی عەرەبی وەک میسر لەساڵێکدا چوار بەرواری چاندن هەیە کەئەوەیشی عروەی بەهارە ، عروەی نیلی ، عروەی هاوینە  ، عروەی پایزەییە  وە خۆشبەختانە لەکوردستانی خۆمان سێ وەرزمان هەیە کە بەم شێوەیەیە :
 
1- وەرزی بەهارە 
 کەلە بەرواری 15 / 1  بۆ 1/ 3 دەکرێت لە هەرچوارپارێزگای کوردستان  بە گەرمیانیشەوە .  پێگەیشتنی دەکەوێتەمانگی 6 بۆ 7.

2- وەرزی هاوینە 
کە لە عێراقدا تەنها لەقەزای پێنجوێن دەکرێت لەو بەروارەدا ئەویش لە،بەرواری 15/ 5 بۆ 15 / 6  پێگەیشتنی دەکەێتە مانگی 10.

3-وەرزی زستانە
کەلە بەرواری  15/ 8 بۆ 1/ 9 دەکرێت بەڵام زیاتر لەپارێزگای هەولێرو گەرمیان سەرکەتوو دەبێت بەهۆی درەنگ هاتنی بارانی  پەڵەی ئەودووناوچەیە. 

پ/ بڕی بنەتوو یان تەقاوی  بۆیەک دۆنم چەندە؟ 
بڕی بنەتوو بۆ یەک دۆنم 800-1000کغم تەقاویمان پێویستە. 

پ/ بڕی بەرهەم چەندە بۆ دۆنمێک؟ 
بڕی بەرهەم بەپێی خزمەت وجوتیارو زەوی دەگۆڕێت لە 10تەن بۆ 20تەن دەدات . 

پ/ تەمەنی پەتاتە چەندە؟ 
بەپێی جۆر دەگۆڕێت جۆرمان هەیە 85ڕۆژە تەمەنی جۆرمان هەیە 120ڕۆژە بەڵام بەشێوەیەکی گشتی 100ڕۆژە. 

پ/چۆن پەین بەکاربهێنین؟ 
باشترین پەین پەینی دەواجینە بەڵام ئەگەرنەبوو  150کغم سەمادی داپ بەکاردەهێنرێت پاشان دەبێت نایترۆجین پۆتاسی بدرێتێ بەڕەشی وەرەقی  بەسێ قۆناغ . 

پ/ئایا سەلکی پەتاتە بەلەت دەبێت؟ 
بەڵێ بەلەت دەبێت بەڵام بۆ پایزە نابێت لەت بکرێت چونکە فەوتانونەخۆشی زۆرە دەگەنێ  ماوەی نێوان سەلکەکان 25_30سم دەبێت باشترین بنەتۆ بنەتۆی باوەڕپێکراوە. 

پ/ئایا پەتاتە ئاوی زۆر دەوێت؟ 
بەڵێدەبێت بەهیچ  شێوەیەک گڵی  پەتاتە شێی کەم نەبێت واتە دەبێت %50 زەویەکە ڕێژەی کەمتر نەبێت . 

پ/ بۆ بژار چ جۆرە قرکەرێک بەکاردێت ؟ 
بۆ پەتاتە قرکەری تایبەتی خۆی هەیە ئەویش میتریکیم یان میتریبۆزین کە قرکەرێکی گشتی گەڵاباریکو گەڵاپانە وەهیچ کاریگەری نیەلەسەر پەتاتەکە . وەدەبێت لەسەرەتای دەرچونی پەتاتەکەوەبکرێت واتە کاتێک  تازە پەتاتەکە کۆرپەیە.

ئا:ئەندازیاری کشتوکاڵی / کۆسار باقی 

داگرتنی ئەپی راچڵەکین بۆ ئەندۆرید

داگرتنی ئەپی راچڵەکین بۆ ئایفۆن