له‌كاتی توشبوون به‌ په‌تای وه‌رزی زستان له‌م خواردن و خواردنه‌وانه‌ دوور بكه‌وه‌ره‌وه‌

تەندروستی

پێش 1 هەفتە     ژمارەی بینراو 195

له‌كاتی توشبوون به‌ په‌تای وه‌رزی زستان له‌م خواردن و خواردنه‌وانه‌ دوور بكه‌وه‌ره‌وه‌


ڕاچڵه‌كین-

به‌رده‌وام ده‌وترێت خواردن و خواردنه‌وه‌ی‌ گه‌رم و شۆربا له‌ كاتی توشبوون به‌ په‌تای وه‌رزی زستان بخورێت ئه‌گه‌ری چاكبوونه‌وه‌ زیاد ده‌كات، به‌ڵام ئه‌ی‌ كام جۆره‌ خواردن و خواردنه‌وه‌یه‌ زیان به‌خشه‌ له‌كاتی توشبوون به‌ په‌تای وه‌رزی زستانه‌.

پێگه‌ی‌" هێڵس لاین" ئه‌نجامی توێژینه‌وه‌یه‌كی پزیشكی بڵاوكردۆته‌وه‌ و داوا له‌ هاوڵاتیان ده‌كات له‌كاتی توشبوون به‌ په‌تای وه‌رزی زستانه‌ له‌م جۆره‌ خواردن و خواردنه‌وانه‌ دوور بكه‌ونه‌وه‌.

1- كافاین:
له‌كاتی توشبوون به‌ په‌تای وه‌رزی زستان دوور بكه‌وه‌ره‌ له‌ خواردنه‌وه‌ی‌ چا و قاوه‌ چونكه‌ جه‌سته‌ت وشك ده‌كاته‌وه‌ و له‌جیاتی ئه‌وه‌ ئاو و چای گیا سروشتیه‌كان بخۆره‌وه‌.

2- جپس مه‌خۆ:
ئه‌و زه‌یته‌ی‌ له‌ناو جپس دا هه‌یه‌ قوڕگ وشك ده‌كاته‌وه‌ و كۆكه‌ زیاد ده‌كات.

3-خواردنی خێرا:
هیچ سه‌رچاوه‌یه‌كی خۆراكی ته‌ندروستی تیادا نییه‌ كه‌ به‌سوود بێت بۆ له‌شت باشتر وایه‌ سه‌وزه‌ و میوه‌ی‌ نوێ بخۆیت له‌كاتی توشبوون به‌ په‌تای وه‌رزی زستان.

4- شه‌ربه‌ت:
به‌ته‌واوه‌تی له‌ خواردنه‌وه‌ی‌ شه‌ربه‌تی ده‌ستكرد دوور بكه‌وه‌ره‌وه‌ چونكه‌ شه‌كریان زۆر تیادایه‌ و باشترین بژارده‌ خواردنی میوه‌كانه‌ به‌ فرێشی.

5-شیرینی:
ئه‌وكاته‌ی‌ شیرینی ده‌خۆیت ئه‌وه‌ كۆئه‌ندامی به‌رگری له‌شت لاواز ده‌كه‌یت به‌ ده‌ستی خۆت و ڕێژه‌ی‌ هه‌وكردن له‌ له‌شت به‌رز ده‌بێته‌وه‌.

داگرتنی ئەپی راچڵەکین بۆ ئەندۆرید

داگرتنی ئەپی راچڵەکین بۆ ئایفۆن