راچڵەكین-
وەزارەتی دەرەوەی ئۆكراینا رایگەیاند، وەكو وەڵامێك بۆ دیپۆرتكردنەوەی كۆنسوڵی ئۆكراینا لە سانت پیتەرسبۆرگ ئالێكساندەر سۆسۆنیوك لەلایەن رووسیا-وە، دیپلۆماتە باڵاكانی رووسیا لە لە كیێڤ دیپۆرت دەكەنەوە.
هاوكات وەزارەتی دەرەوەی ئۆكراینا،سەرجەم ئەو تۆمەتانەی رەتكردەوە كەلەلایەن مۆسكۆوە دراونەتە پاڵ سۆسۆنیوك.
وەزارەتی دەرەوەی ئۆكراینا لەراگەیەندراوێكدا سەركۆنەی دەستبەسەرگرتن و دیپۆرتكردنی سۆسۆنیوك-ی كرد و جەختی لەوەكردەوە، رووسیا بەو ھەڵسوكەوتەیان رێككەوتنی ڤییەنا-ی ساڵی ١٩٦١ی تایبەت بە پەیوەندییە دیپلۆماتییەكانی پێشێلكردووە.
راگەیەندراوەكە، ئەوەی ئاشكراكرد، پێویستە دیپلۆماتە باڵاكانی رووسیا لە باڵیۆزخانەی رووسیا لە كیێڤ، لە ١٩ی نیسانەوە و لە ماوەی ٧٢ كاتژمێر ئۆكراینا جێبھێڵن.
دوێنێ، ئاژانسی ئاسایشی فیدڕاڵی رووسیا (FSB)، بە تۆمەتی "كۆكردنەوەی زانیاری نھێنی" كۆنسوڵی ئۆكراینا لە سانت پیتەرسبۆرگ ئالێكساندەر سۆسۆنیوك-ی دەستبەسەركرد.