ئافره‌تێك پێش ئه‌وه‌ی‌ بیسوتێنن به‌ئاگا هاته‌وه‌

کەلتوور

پێش 4 هەفتە     ژمارەی بینراو 228

ئافره‌تێك پێش ئه‌وه‌ی‌ بیسوتێنن به‌ئاگا هاته‌وه‌


ڕاچڵه‌كین- چراخان ئاسۆ

ئافره‌تێكی به‌ته‌مه‌نی هندی توشبوو به‌ ڤایرۆسی كۆرۆنا كه‌ ته‌مه‌نی 78 ساڵه‌ پزیشكه‌كان ڕایانگه‌یاندوه‌ كه‌ مردوه‌ به‌ڵام چه‌ند چركه‌یه‌ك پێش ئه‌وه‌ی‌ لاشه‌كه‌ی‌ بسوتێنن به‌ ئاگا هاته‌وه‌ و ده‌ستی كردوه‌ به‌گریان.

خێزانه‌كه‌ی‌ گه‌یاندویانه‌ته‌ نه‌خۆشخانه‌ی‌ "Silver Jubilee" له‌ ناوچه‌ی‌ " باراماتی" بۆ ئه‌وه‌ی‌ بخرێته‌ ژێر چاودێری پزیشك بۆ وه‌رگرتنی چاره‌سه‌ر.

ئه‌م خانمه‌ به‌ته‌مه‌نه‌ له‌ سه‌ره‌تای مانگی 5 ی ئه‌مساڵ توشی شریته‌ نوێكه‌ی‌ ڤایرۆسی كۆرۆنا بووه‌ كه‌ به‌هۆیه‌وه‌ هه‌زاران كه‌س گیانیان له‌ده‌ستداوه‌ به‌شێوه‌ی‌ ڕۆژانه‌ و دوای ئه‌وه‌ی‌ خراوه‌ته‌ ناو ئۆتۆمبێلی فریاكه‌وتن له‌ هۆش خۆی چووه‌ به‌ڵام به‌ خێزانه‌كه‌یان ڕاگه‌یاندوه‌ كه‌ گیانی له‌ده‌ستداوه‌ و بۆ ئه‌وه‌ش به‌گوێره‌ی‌ نه‌ریتی هندۆسه‌كان ئاگر بۆ سوتاندنی لاشه‌كه‌ی خۆشكراوه‌ و چه‌ند خوله‌كێك پێش سوتاندنی به‌هۆش خۆی هاتۆته‌وه‌.

له‌ ماوه‌ی‌ مانگی ڕابردوو هندستان بووه‌ یه‌كه‌م وڵات كه‌ زۆرترین ژماره‌ی‌ توشبوون و مردن به‌ ڤایرۆسی كۆرۆنای تیادا تۆماركرا. 

داگرتنی ئەپی راچڵەکین بۆ ئەندۆرید

داگرتنی ئەپی راچڵەکین بۆ ئایفۆن