ئیتاڵیا گەیشتە قۆناغی پێش كۆتایی یۆرۆی 2020

وەرزش

پێش 4 هەفتە     ژمارەی بینراو 83

راچڵەكین-

لە شازدەھەمین پاڵەوانێتی تۆپی پێی ئەوروپا (یۆرۆ ٢٠٢٠) ھەڵبژاردەی ئیتاڵیا توانی بە ئەنجامی ٢-١ لە ھەڵبژاردەی بەلجیكا بباتەوە و خۆی بگەیەنێتە یاری پێش كۆتایی.

لەیارییەكانی گەڕی چارەگی كۆتایی یۆرۆ٢٠٢٠، ھەردوو ھەڵبژاردەی ئیتاڵیا و هەڵبژاردەی بەلجیكا لە یاریگای ئالیانز ئارێنا لە میونخ رووبەرووی یەكبوونەوە.

ئیتاڵیا، لە خولەكی ٣١ بە گۆڵێكی نیكۆلا بارێللا تۆڕی كورتوای گۆڵپارێزی بەلجیكای ھەژاند و ئەنجامەكەی كرد بە ١-٠.

لە خولەكی ٤٤دا، لۆرینزۆی ئیتاڵی، شووتێكی مووشەك ئاسای لەدەرەوەی یاریگا لێداو و بۆردی ئەنجامەكانی گۆڕی بۆ ٢-٠ بۆ بەرژەوەندی ئیتاڵیا.

لە دوا خولەكی نیوەی یەكەمی یارییەكە، ھەڵبژاردەی بەلجیكا لێدانێكی سزایان بۆ ھەژمار كرا و ھێرشبەر رۆمیلۆ لوكاكۆ گۆڵی یەكەمی بەلجیكییەكانی تۆماركرد.

لە نیوەی دوووەمی یارییەكەدا، سەرەڕای زۆری ھێرشەكانی ھەردوولا، بە تایبەتی بەلجیكا، ئەنجامی یارییەكە نەگۆڕاو و یارییەكە بە دوو گۆڵ بە رامبەر بەگۆڵێك لە بەرژەوەندی ئیتاڵیا كۆتایی ھات.

ئیتاڵیا، بەم ئەنجامە سەركەوت بۆ یاری نیوەی كۆتایی و رووبەرووی ھەڵبژاردەی ئیسپانیا دەبێتەوە.

یاری نیوەی كۆتایی نێوان ئیتاڵیا و ئیسپانیا، لە رۆژی ٦ی تەمووز لە یاریگای ویمبڵی لە لەندەن بەڕێوەدەچێت.

داگرتنی ئەپی راچڵەکین بۆ ئەندۆرید

داگرتنی ئەپی راچڵەکین بۆ ئایفۆن