راچڵەكین-
یەكێك لەبەرپرسانی كەتیبەكانی حزبوڵای عیراق كەلەلایەن ئێران-ەوە پشتیوانی دەكرێت، لەبارەی راگەیاندنی ئەنجامی بەرایی هەڵبژاردنی ئەنجوومەنی نوێنەرانی عیراق رایگەیاند:" گەورەترین فێڵ بوو كەلەگەلی عیراق كرا لەمێژووی هاوچەرخدا."
ئەبوعەلی عەسكەری، لەبەیاننامەیەكدا، دواهەمین هەڵبژاردنی ئەنجوومەنی نوێنەرانی عیراقی بەو هەڵبژاردنانە چواندووە كەلەسەردەمی رژێمی سەدام حسێن-دا بەڕێوەدەچوو.
عەسكەری ئاماژەی بەوەكرد، بەشداریكردنی تەنها 41%ی هاوڵاتیان لەهەڵبژاردنی ئەنجوومەنی نوێنەران كە كەمترین رێژەیە لەساڵی 2003 وە بەڵگەیە لەسەر خاوێن نەبوونی هەڵبژاردنەكان و گومانەكانی زیاتر كردووە.
بەگوێرەی ئەنجامە بەراییەكانی هەڵبژاردن كەلەلایەن كۆمسیۆنەوە راگەیەندراوە، رەوتی سەدر 74 كورسی، كوتلەی تەقەدومی سوننی 41 كورسی پەرلەمانیان بەدەستهێناوە.