راچڵەكین –
بەهۆی ئەو شكستە گەورەیەی كە لە هەڵبژاردنی ئەنجومەنی نوێنەرانی عیراق دوچاری بزوتنەوەی گۆڕان هات، ئەندامانی خانەی راپەڕاندنی ئەو حزبە بڕیاریاندا دەستلەكاربكێشنەوە.
خانەی راپەڕاندنی بزوتنەوەی گۆڕان، لە راگەیەندراوێكدا كە ئەمڕۆ 13-10-2021 بڵاویكردەوە، دەستلەكاركێشانەوەی بەكۆمەڵیان راگەیاندو ئاماژەیان بەوەشكردووە كە لە زووترین كاتدا دەستەیەكی كاتی بۆ بەڕێوەبردنی بزوتنەوەكە پێكدەهێندرێت.
دەقی راگەیەندراوەكە:
راگەیاندراوێك لە خانەی راپەڕاندنەوە
وەك هەڵگرتنی بەرپرسیارێتی ئەم قۆناغە هەستیارە، خانەی راپەڕاندنی بزوتنەوەی گۆڕان بڕیارماندا دەستلەكاربكێشینەوە، هاوكات لە زووترین كاتدا دەستەیەكی كاتی بۆ بەڕێوەبردنی بزوتنەوەكە پێكدەهێندرێت.
١٣ی١٠ی٢٠٢١