راچڵەكین-
وەزارەتی بازرگانی عیراق رایگەیاند، لەماوەی دوو رۆژی داهاتوو بەشی سێیەمی بەشە خۆراك و بەشی نۆیەمی ئارد دابەشدەكەن.
عەلا ئەحمەد، وەزیری بارزگانی عیراق ئاماژەی بەوەكردووە، لەماوەی دوو رۆژی داهاتوو بەشی سێیەمی بەشە خۆراك دابەشدەكرێت و لەگەڵ ئەوەشدا بەشی نۆیەمی ئاردیش دابەش دەكەن.
ئەوەشی روونكردووەتەوە، لەمڕۆوە بریكارەكانی خۆراك و كۆگاكان لە پارێزگاكان مادەكانی خۆراكیان پێدەگات تا بە باشترین شێوە دابەشی بكەن.
پێشتر ئەنجومەنی وەزیرانی عیراق بڕیاریدابوو گۆڕانكاریی لە دابەشكردنی بەشە خۆراكی مانگانەی هاوڵاتییاندا بكات و مادەكانی خۆراك زیاد بكرێن.
لە ئێستادا مادەكانی خۆراك بۆ پێنج مادەی سەرەكی زیاد كراون، ئەوانیش (برنج، شەكر، زەیت، نیسك و فاسۆلیا).