هۆشدارییەك لە وەزارەتی دارایی بۆ فەرمانگەكان: پێشینەكانتان دەبڕین

ئابوری

پێش 1 هەفتە     ژمارەی بینراو 523

راچڵەكین-

وەزارەتی دارایی و ئابووری حكومەتی هەرێمی كوردستان  هۆشداری دەداتە فەرمانگە حكومییەكان كەئەگەر بێتو قەرزەكانیان نەگەڕێننەوە ئەوا پێشینەی مانگانەیان رادەگیرێت.

وەزارەتی دارایی حكومەتی هەرێمی كوردستان لە نووسراوێكدا كە رۆژی 10/11/2021 دەرچووە، ئاماژە بە گشتاندنێكی دارایی كراوە، بۆ پاكتاوكردنی قەرزی كارەبای دامودەزگاكانی حكوومەت.

لە نووسراوەكەدا هاتووە: "تایبەت بە یەكلاییكردنەوەی قەرزی كارەبای ساڵانی رابردووی گشت وەزارەت و دامودەگاكان، لە ماوەی یەك مانگ قەرزەكە نەگەڕێننەوە، ئەوا بەپێچەوانەوە، پێشینەی مانگانەیان لەلایەن گەنجینەكانەوە رادەگیرێت".

بەپێی نووسراوەكە، هەر فەرمانگەیەك قەرزی ساڵانی پێشووی كارەبا تاوەكوو 10/12/2021 نەگەڕێنێتەوە، ئەوا پێشینەی مانگانەیان رادەگیرێت.

مانگانە هەر وەزارەت و فەرمانگەیەك لەلایەن وەزارەتی دارایی بڕێك پارەی بۆ خەرجییەكانی بەناوی پێشینەی مانگانە بۆ خەرج دەكرێت.

داگرتنی ئەپی راچڵەکین بۆ ئەندۆرید

داگرتنی ئەپی راچڵەکین بۆ ئایفۆن