لاوه‌ند نه‌وزاد

لاوەند نەوزاد

جاران ئەپژمیت چەند خۆش بوو ئەڵڵا
هەموو ئەیانوت خێرە ئینشاڵلا
ئێستا ئەپژمیت هەمووی غەیب ئەبێ
ئەوەی رانەکا ژێری تەڕ ئەبێ

جاران جەمشیرو خولەت ماچ ئەکرد
ئەحەو عەباست لەباوەش ئەکرد
ئێستا نانسی بێ بڵی ها ماچێ
ئەڵێی خوشکەکەم دەسنوێژم ئەشکێ

دەست شووشتن لای تۆ ئێسک گران بوو
میکرۆبی دنیا لاتان میوان بوو
ماشەڵلات لێ بێ ئێستا چەند چاکی
ئەڵێی فریشتەی بەهەشتی پاکی

جاران کافتریاو گەعدەی شەوانە
سێڵفی و گۆرانی ئاخر زەمانە
ئێستا لەترسا لەسەر بەرماڵی
گوایە بۆ نوێژی جومعە عەوداڵی؟

بیرتە جاران تۆ چەند پۆزاوی بووی
لەنیعمەتی خوا چەند ناحاڵی بووی
چارەکێ عەرەق سێ ـ چوار کۆرۆنا
خەیاڵی مەدرید یان بەرشەلۆنا

جاران لەوڵات زۆر ناڕازی بووی
خولیای پاریس و شاری سیدنی بووی
ئێستا بەختیاری و ئیسکان یاساغە
ئاسایش ئەتبا هەر بە قۆناغە