راچڵەكین-
ئەندامێكی پەرلەمانی كوردستان لەفراكسیۆنی یەكێتی دەڵێت، پارتی ئامادەیە لە پێناو بەرژوەندییە حزبییەكانی خۆیدا تەواوی هەرێمی كوردستان بفرۆشێت.
شیرین یونس، لەبارەی ئەنجامدانی هەڵبژاردنی پەرلەمانی كوردستان بەمیدیای فەرمی حزبەكەی راگەیاندووە:"فراكسیۆنی یەكێتی و ژمارەیەك لە فراكسیۆنەكانی تری پەرلەمان پرۆژە یاسایەكیان بە مەبەستی هەموواركردنەوەی یاسای هەڵبژاردن پێشكەش بە سەرۆكایەتی پەرلەمان كردووە."
وتیشی:" یەكێتی لەگەڵ ئەوەدایە لە ماوەیەكی كەمدا یاسای هەڵبژاردن هەموار بكرێتەوە و هەڵبژاردنەكان لە كاتی خۆیدا ئەنجامبدرێن، هەروەها ئاماژەی بەوەشكرد هەموواركردنەوەكە پێوستی بە سازانی نێوان سەرجەم حزب و لایەنەكانی هەرێمی كوردستان هەیە و تا ئێستا تەنها پارتی دژی پرۆژە یاساكەیە."
شیرین یونس باسی لەوەشكرد پارتی ئامادەیە لە پێناو بەرژوەندییە حزبییەكانی خۆیدا تەواوی هەرێمی كوردستان بفرۆشێت و دژی یەكریزی و سازانی نیشتیمانی بوەستێتەوە.