راچڵەكین-
ئەمڕۆ حەوت ساڵ تێدەپەڕێت بەسەر شەهیدبوونی لیوا سەڵاح دیلمانی و هاوڕێكانیدا.
لە ١٢ی ئایاری ٢٠١٥ لیوا سەڵاح دیلمانی ئامر لیوای ١١٨ی باڵەك لەگەڵ چەند ھاوڕێیەكیدا لەكاتی سەردانی سەنگەرەكانی پێشمەرگە شەھید بوون.
سەڵاح ئیبراھیم محەمەد ناسراو بەسەڵاح دیلمانی لە ساڵی ١٩٦٣ لە گوندی دیلمانی سەربە ناحیەی قەسرێ لە دەڤەری باڵەكایەتی لە دایك بووە، لەساڵی ١٩٧٦پەیوەندی كردوە بە رێكخستنەكانی یەكێتی نیشتمانی كوردستان لەساڵی ١٩٧٩ كراوە بە فەرماندەی مەفرەزە .
لە ساڵی ١٩٨٨ لەدوای ئەنفال كراوە بەجێگری یەكەی كارۆخ لە مەفرەزە پارتیزانەكان، تاوەكو ساڵی ١٩٨٩ بەردەوام بووە.
لە ١٢ی ئایاری ٢٠١٥ لە ناوچەی عەتشانە لیوا سەڵاح دیلمانی لەگەڵ ئەفسەرێك و پێشمەرگەیەك لەكاتی سەردانی سەنگەرەكانی پێشمەرگە لە تەقینەوەی بۆمبێكی چێندراو شەهید بوون.